Në konferencën për media, Ministrja e Financave dhe Ekonomisë, Anila Denaj i është përgjigjur sot presidentit Ilir Meta në lidhje me marrëveshjen e huasë me Fondin Saudit të Zhvillimit për projektin e rrugës Vlorë-Orikum. Ministrja pohoi se nuk ka pasur negociata për marrëveshjen, pasi nuk bëhej fjalë për hua të re, por për një hua të negociuar më parë.
“Ky aks do të sjellë përfitime për qytetarët. Presidenti i Republikës është informuar me dy shkresa për huan, në lidhje me termin ‘negocim’ dhe arsyet e ndryshimit. Nuk bëhet fjalë për marrjen përsipër të një detyrimi financiar të ri jashtë parashikimeve buxhetore dhe termave financiare të rialokuara më parë. Ky është rialokim i siguruar më parë pas një marrëveshje. Ajo që kërkohet të arrihet është që me të, një fond të negociuar sipas parashikimeve kushtetuese, të realizohet një projekt infrastrukturor në të njëjtën vend. Nuk do të ndryshojë as shuma, as afati. Kjo dakordësi me kompaninë, i hapi rrugë punës. Ku qëndron kundërshtia me Kushtetutën?! Në germë? Në qëllim apo frymë? Ai është lehtësisht i lexueshëm, pasi është nevojë për të rritur investim instrastrukturor. Procedura është ligjore. Sqarojmë zyrën e presidentit se vetëm për kushtet e projektmarrëveshjes, nuk janë dakord me kushtet bazë të një marrëveshje të tillë, vetëm në këtë rast ngrihet grupet negociatore”, tha Denaj.
Në nisje të konferencës, një reagim është përcjellë edhe nga ana e kryemiinistrit Rama. Ai i ka bërë sërish thirrje presidentit Ilir Meta, që të mos pengojë projektin e rindërtimit në segmentin Vlorë –Orikum.
Statusi
Mos e pengo Vlorën Ilir, se Vlora s’është ledh i LSI-së, po është konaku i Shqipërisë
Ndiqni Ministren e Financave dhe Ekonomisë, Anila Denaj, në komunikim me publikun për pengmarrjen e projektit të rindërtimit në segmentin Vlorë – Orikum.
(Projekti financohet nga Fondi Saudit dhe është bllokuar nga Ilir Meta, për arsyen e kuptueshme kollaj fare nga çdo qytetar i Vlorës e i Shqipërisë, nëse ky s’është kaçak i LSI-së)
