Shtatë persona kanë humbur betejën si pasojë e koronavirusit në 24 orët e fundit në vend. Ministria e Shëndëtësisë, në përditësimin e radhës njofton se janë infektuar 589 qytetarë.
Në njoftimin zyrtar thuhet se janë kryer 2350 teste, ku kanë dalë me Covid 589 persona. Po kështu bëhet me dije se janë shëruar 449 pacientë.
Në 4 spitalet Covid janë 284 pacientë, 26 në terapi intensive nga të cilët 8 pacientë janë të intubuar.
Njoftimi
Në 24 orët e fundit janë shëruar 449 qytetarë, duke e çuar numrin e të shëruarve 33,634 që nga fillimi i epidemisë.
Aktualisht në 4 spitalet COVID, po trajtohen 284 pacientë, 26 në terapi intensive nga të cilët 8 pacientë janë të intubuar.
Fatkeqësisht me gjithë përpjekjet e mjekëve, 7 qytetarë nuk e kanë fituar betejën me COVID19; 3 qytetarë nga Tirana, 1 qytetar nga Durrësi, 1 qytetar nga Fieri, 1 qytetar nga Vlora, 1 qytetar nga Miloti, të moshave 55-82 vjeç.
Ministria e Shëndetësisë dhe Mbrojtjes Sociale i shpreh ngushëllime familjarëve të të ndjerëve.
Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes nëpërmjet linjës së gjelbër 0800 40 40. Gjithashtu në numri unik 127 i Urgjencës Kombëtare, ku mund të telefononi kur dyshoni se keni shenja të sëmundjes dhe duhet të kryeni testimin për COVID19 apo nëse keni nevojë për trajtim të specializuar spitalor në spitalet COVID. Spitalet dhe Urgjenca Mjekësore do të jenë në gadishmëri 24 orë me ekipe të përforcuara për festat e fundvitit.
COVID-19 – Statistika (31 Dhjetor 2020)
Raste të reja ditore 589
Të shëruar në 24 orë 449
Të shtruar në spitale 284
Humbje jete në 24 orë 7
Testime ditore 2,350
Testime totale 262,910
Raste pozitive 58,316
Raste të shëruara 33,634
Raste Aktive 23,501
Humbje jete 1181
Shpërndarja gjeografike e rasteve aktive sipas qarqeve:
Tiranë 13547
Fier 1632
Shkodër 1289
Durrës 1235
Vlorë 969
Korçë 961
Lezhë 890
Elbasan 891
Berat 763
Gjirokastër 476
Kukës 431
Dibër 417
