Shefi i kabinetit në Presidencë, Edmond Panariti, ka dalë me një propozim të ri për luftën ndaj pandemisë.
Sipas tij, qeveria duhet t’i shpërndajë urgjentisht falas të gjithë personave mbi 60-vjeç suplemente të vitaminës D dhe të Zinkut.
Ai thotë se kjo është strategjia më e mirë, për të parandaluar koronavirusin vdekjeprurës. Panariti shton më tej se kosto e prodhimit dhe e shitjes se vitamisë D dhe të Zinkut është shumë e ulët, dhe se gjenden me bollëk.
Statusi
Çfarë duhet bërë urgjent nga qeveria për të parandaluar dhe luftuar Covid 19?
Dhe me kosto shumë të ulët dhe me efekte të provuara!
Tu shpërndajmë falas sa më shpejt familjeve dhe në mënyrë të veçantë personave 60 vjeç e lart suplementet të vitaminës D dhe të Zinkut.
Mundësisht që sot e në vijim. Sa më parë dhe sa më shpejt.
Kjo është strategjia më e zgjuar për të parandaluar dhe luftuar një virus që po ndërron “lëkurën” dhe zakonet me shpejtësi
I cili po ndryshon dhe do të ndryshojë me format e tij “mutante” të cilat mund të nxjerrin jashtë loje edhe armët strategjike, por jo ato konvencionale si vitaminat dhe mikroelementët të cilat i luftojnë pa dallim edhe format e reja ashtu si dhe të vjetrat.
Kosto e prodhimit dhe e shitjes, shumë e ulët
Gjënden me bollëk..
Për Vitaminën D kam folur edhe më parë për efektet e saj anticovid.
Për zinkun ka tashmë prova solide, po e theksoj prova solide për vetitë antivirale dhe antinflamatore edhe ndaj covid 19..
Mos prisni, veproni.. Këto i keni në vend, janë lirë dhe me shumicë, thjesht grumbullojini dhe shpërndajini në familje së bashku me një fletushkë udhëzuese.
