Si rrallë herë, kryeministri Rama e ka nisur ditën në një mënyrë të veçantë. Ndryshe nga sa jemi mësuar ku Rama tregon projektet që ka bërë qeveria nga shkollat, spitalet, rrugët, etj, sot kryeministri njofton qytetarët se në mbrëmje do të japë një intervistë për gazetarin Fevziu.
Teksa iu ka uruar gjithë shqiptarëve një ditë sa më të paqme në këtë vigjilje të Krishtlindjeve, kreu i qeverisë bën të ditur se mbrëmjen e sotme do të japë një intervistë ndryshe për Blendi Fevziun.
Statusi
MIRËMËNGJES
dhe duke ju uruar një ditë sa më të paqme në vigjiljen e natës së bekuar të Krishtlindjeve, ju ftoj të ndiqni sonte në mbrëmje intervistën time të parë paqësore me Blendi Fevziun qysh nga shekulli i kaluar.
Sot festohet vigjilja e Krishtlindjes për të gjithë besimtarët katolikë. Ndryshe nga vitet e tjera, kur mesha zhvillohej në orën 20:00, kësaj here për shkak të pandemisë së koronavirusit dhe kufizimit me orën policore do të zhvillohet në orën 18:00 në Katedralen e Shën Palit dhe 18:30 në Dioqezat e tjera në vend.
