Policia njofton zyrtarisht për një ngjarje të rëndë të ndodhur rreth orës 11:50, në fshatin Zvirinë, në afërsi të vendit të quajtur ‘Kisha e vogël’, ku janë gjetur të pajetë dy vëllezër. Raportohet se dy vëllezërit Andrea dhe Martin Olldashi, 33 dhe 31 vjeç, janë me precedentë penalë.
Tetë vite më parë, ata janë arrestuar si autorë të një shpërthimi të një lokali në Pogradec. Po kështu rezulton se Andrea Olldashi ka qënë në burg për vjedhje banesash.
Nga ana e policisë, aktualisht po hetohet në lidhje me itinerarin e fundit që kanë ndjekur vëllezërit, për të zbardhur këtë masakër.
Në lidhje me këtë ngjarje të rëndë, në polici janë shoqëruar disa persona, të cilët po merren në pyetje. Andrea Olldashi dhe Martin Olldashi, ishin zhdukur që prej datës 7 dhjetor dhe u gjetën të vrarë në Maliq.
