Kreu i demokratëve, Lulzim Basha është shprehur se udhëtimi i kryeministrit Edi Rama për në Emiratet e Bashkuara Arabe në 26 nëntor është ikje nga problemi, pasi qytetarët e goditur nga tërmeti nuk janë ndihmuar.
Ai u shpreh në emisionin “Log” se qeveria po shpenzon para për tendera të panevojshëm, por qytetarët po kalojnë dimrin e dytë në çadra.
Basha i bëri thirrje bizneseve që të ndihmojna njerëzit.
“Në terren nuk ndjehet asnjë efekt i granteve dhe kredive të ofruara nga konferenca e donatorëve. Shumica dërrmuese e atyre që ishin në çadra dimrin e kaluar, po kalojnë dimrin e dytë në çadra. Drama e të jetuarit në çadër për një vit është dëshmia më e qartë e keqmenaxhimit të fatkeqësisë.
Qeveria shpenzon para të panumërta për tendera të panevojshëm dhe lë pa shtëpi banorët e goditur nga tërmeti. Rama e ka ndjerë se çfarë problem paraqiste 26 nëntori. Largimi në Emirate i Edi Ramës është ikje nga problemi, nuk e di kush e ka paguar avionin privat. I bëj thirrje bizneseve shqiptare që t’i ndihmojnë njerëzit”, tha Basha.
