Eksperti i Shëndetit Publik, Erion Dasho, ka shpërthyer në revoltë pas ngjarjes së rëndë që ndodhi në spitalin Covid/2, ku një 60-vjeçar u hodh nga ballkoni. Duke marrë shkas edhe nga situata në fjalë, ai apelon ndaj qeverisë që të lë pas strategjitë e bujshme, por të hapë spitalet rajonalë dhe ata lokalë.
I irrituar për situatën e menaxhimit të pandemisë në vend, Dasho i drejtohet Ministrisë së Shëndetësisë dhe Komitetit Teknik të Ekspertëve, që të mos u tregojnë qytetarëve strategji aspak të vërteta. Nga të cilat nuk kanë zbatuar asgjë për çfarë kanë përfolur.
Duke bërë një bilanc, ai thotë se gjëndja është mjaft e rëndë jo vetëm me pacientët, por edhe me bluzat e bardha. Eksperti i Shëndetit Publik shton më tej se vetëm mjekë dhe infermierë kanë vdekur më tepër se 20, pasi janë lënë pa maska dhe mjete mbrojtëse.
STATUSI
Papërgjegjshmëria në kulm!
Një thirrje për ministrinë dhe komitetin:
Hapni urgjent spitalet rajonalë dhe ata lokalë! Shfryni presionin mbi spitalet COVID!
Mos u tregoni qytetarëve “strategji” mashtruese nga të cilat nuk keni zbatuar asnjë rresht!
Vdekjet e raportuara (ato që nuk fshihen dot) po rriten çdo ditë! Shumë më tepër vdekje nga COVID po ndodhin në shtëpi në pacientë që as diagnostikohen, as raportohen!
Vetëm mjekë dhe infermierë kanë vdekur më tepër se 20, sepse janë lënë pa maska dhe mjete mbrojtëse!
Jetojmë dhe Europë, në shekullin e 21-të!
Pacientët nuk duhet të vrasin veten duke u hedhur nga dritaret e spitaleve! Të paktën, të mos kemi çdo muaj nga një fatkeq që ndërmerr këtë hap ekstrem…
O bëni ndonjë lek punë, o ikni!
Njerëzit janë lodhur duke dëgjuar demagogjinë tuaj, duke ndjekur të qarat tuaja patetike dhe filmat në stil Bollyëood-i!
Po kalon çdo cak…
