Dje, kreu i PD-së Lulzim Basha ka qenë i ftuar në emisionin ‘Opinion’. Siç duket, baza e PD ka qenë e angazhuar që intervista e Bashës të shpërndahej sa më shumë në rrjetet sociale. Kjo u vu re nga kryetari i Partisë Demokratike dega Sarandë, Hariz Mema, i cili pa dashje ka publikuar sms e ardhur nga stafi i Bashës.
Duket se ai e kishte neglizhuar porosinë nga baza, dhe i dërguan sërish mesazh. Mirëpo Mema nuk e ka lexuar mesazhin dhe e ka publikuar atë bruto në rrjetet sociale, me mesazhin urdhërues që i ka ardhur nga selia e PD.
Pas angazhimit të stafit, duket se Basha ka parë rezultatet që ai dëshironte. Kryetari i Partisë Demokratike, Lulzim Basha, ka falenderuar të gjithë mbështetësit e tij mbrëmjen e kaluar, që e ndoqën dhe bënë që për herë të parë në një emision prime time, te kishte audiencë më të lartë se të kryeministrit Edi Rama.
Në një status në Twitter, teksa ka vendosur edhe dy gishtat, Basha falenderon mbështetësit e tij, ku premton se do të sjellin një të ardhme më të mirë për Shqipërinë.
Faleminderit për mbështetjen e jashtëzakonshme pas intervistës time sonte me @BlendiFevziu në OPINION. Së bashku ne do të sjellim një të ardhme më të mirë për Shqipërinë! ??✌️
— Lulzim Basha (@lulzimbasha_al) November 19, 2020
