Rama dhe Basha nuk kanë të ndalur akuzat ndaj njëri-tjetrit. Rjetet sociale janë kthyer në burimin e vetëm, ku të dy shfryjnë mllefet ndaj njëri-tjetrit. Kreu i PD-së i është përgjigjur Ramës me anë të një postimi në Facebook, lidhur me infektimet në masë. Basha ironizon Ramën se ndërsa vendi është zhytyr në një krizë të thellë si pasojë e pandemisë, ai vijon të qëndrojë në rrjetet sociale.
“Rama vazhdon cicërimat në vend që të bëjë detyrën. Shqipëria është në kulmin e infektimit, ndërsa Rama është mbërthyer pas Instagramit. Po të shkulej nga Instagrami, do ta shihte sa e rëndë është gjendja. Të sëmurët, familjet dhe mjekët i ka braktisur pa asnjë ndihmë. Rama shkatërroi ekonominë, dhe tani po shkatërron jetët dhe shëndetin e njerëzve. Edhe sa shqiptarë duhet të humbin jetën për fajin e tij?”, shkruan Basha.
