Këngëtari i njohur Ardian Trebicka, si rrallë herë ka rrëfyer se është ndarë me bashkëshorten pas 30 viteve së bashku.
Detajet nga jeta e tij personale i ndau me publikun, që e ka mirëpritur gjithmonë. Ai tha në emisionin “Historia ime” në Tv Klan, se nuk mund të luftojë me fatin dhe se asgjë nuk mund të kthehet mbrapsht.
Çifti kanë së bashku një vajzë 23-vjeç të quajtur Iliana. Një ndarje me konsensus e që duket se i ka bërë bashkë të jenë shokë, kjo edhe për hir të vajzës dhe raportit që ka ekzistuar për plot 30 vite.
Mirela Milori: Sa kohë keni që jeni vetëm?
Ardian Trebicka: Kemi ca kohë që i kemi dhuruar njëri-tjetrit lirinë.
Ardian Trebicka: Patjetër, është hera e parë që e them në një studio. Jam ndarë pas 30 vitesh me të.
Mirela Milori: Me qetësi u arrit?
Ardian Trebicka: Nga jashtë po, ndërsa nga brenda nuk e di janë ndjesi personale.
Mirela Milori: Flisni, komunikoni?
Ardian Trebicka: Patjetër.
Mirela Milori: Keni mbetur shokë?
Ardian Trebicka: Po të themi shokë. Jeta është shumë e çuditshme, ndoshta do e lidh me albumet e mia. Unë i kam kënduar shumë dashurisë dhe shumë ndarjes dhe nëse do e kisha menduar që një ditë do më përkisnin dhe mua, do kisha kënduar ndryshe.
Mirela Milori: Nuk do doje të ishe ndarë?
Ardian Trebicka: Nuk e di, unë jam pro e asaj që është e shkruajtur, asgjë nuk mund të kthehet mbrapsht nëse është destinacioni i tillë, nuk luftoj me fatin.
Mirela Milori: Ka respekt pas çdo gjëje që ka ndodhur mes jush?
Ardian Trebicka: Besoj që po, të paktën kështu unë e lexoj jetën time.
Mirela Milori: Vajza e përjetoi apo mbajti një qëndrim të saj?
Ardian Trebicka: Unë nuk kam dashur të kuptoj deri në fund ndjesinë e Ilianës nëqoftëse nuk ma thotë vetë. Pra unë jam që çdo qenie qoftë edhe fëmija, duhet të respektohet dhe të çmohet për gjithça që do të thotë ose jo.
