Pas sherreve intensive dhe një përplasje të madhe një puntatë më parë, produksioni i ‘Përputhen’ në Top Channel mori vendimin për të përjashtuar nga emisioni Shqipen. Sherri i madh u krijua pasi ajo bullizoi një prej çunave, dhe dy vajzat, Tean për peshën e saj dhe Anën për flokët.
Në start të emisionit, moderatorja Bora Zemani deklaroi se produksioni kishte marrë vendimin final për të përjashtuar konkurrenten, deri në një afat të pacaktuar nga programi.
“Përgjegjësia jonë është shumë e madhe, jo vetëm nga publiku por dhe logos që përfaqësojmë. Ne kurrsesi nuk bëhemi palë e thirrjeve homofobe dhe bullizuese. Ajo ka shfaqur sjellje të papërshtatshme. Top Channel do të mbrojë këdo. Ne kemi vendosur që të përjashtojmë Shqipen në një afat të pacaktuar nga programi”, tha Bora.
