Presidenti i Republikës, Ilir Meta gjatë konferencës për shtyp me gazetarët, foli me tone të ashpra ndaj kreut të PD, Lulzim Basha pasi ky i fundit tha se Meta bën kryeopozitarin për sa kohë ai bën rolin e presidentit.
Meta u shpreh se Basha është marrë peng, por mesa duket kjo deklaratë është keqkuptuar.
Zëdhënësi i Presidencës, Tedi Blushi tha se Referenca për “pengun” i adresohet direkt Kryeministrit ende në detyrë që duhet të heqë urgjentisht dorë nga pengmarrja e së ardhmes europiane të Shqipërisë.
”Një sqarim për të gjithë kolegët e nderuar gazetarë: Referenca për “pengun” i adresohet direkt Kryeministrit ende në detyrë që duhet të heqë urgjentisht dorë nga pengmarrja e së ardhmes europiane të Shqipërisë! Kjo është e qartë!’’, shkruan Blushi në Facebook.
