Një ditë pas vendimit për rihapjen e kinemave, është hedhur dritë mbi kushtet që duhet të plotësojnë qytetarët, ndërsa ndodhemi në një situatë kritike si pasojë e pandemisë.
Në udhëzimin e Ministrisë së Shëndetësisë, thuhet se nëse do të konstatohet një rast pozitiv, do duhet të lahet dhe dezinfektohet kinemaja.
Në hyrje të ambienteve të saj do të matet temperatura. Asnjë individ me temperaturë mbi 37.5 gradë, nuk do të lejohet të futet brenda.
Kinematë ishin një aktivitet për të cilin qeveria nuk kishte dhënë një afat kohor deri kur do të qëndronin të mbyllura.
Por dje Ministria e Shëndetësisë vendosi që të heqë kinematë nga lista e aktiviteteve të ndaluara, dhe lejon shfaqjen e filmave me praninë e qytetarëve, të cilët në çdo rast duhet të respektojnë distancën, mbajtjen e maskës dhe rregullat e tjera të higjienës.
