Mjeku infeksionit Pëllumb Pipero, i bëri apel qytetarëve që të tregohen të kujdesshëm dhe të mos heqin dorë nga mbajtja e maskës dhe ruajtja e distancës. Ai sqaroi në “Open” deklaratën e tij se maska nuk duhet mbajtur në ambientet jashtë. Për herë të parë, ai tha se po del kundër asaj që ka thënë më herët, dhe se maska duhet mbajtur në ambiente të hapura.
“Në këtë pandemi shumë nga ne, për arsye të njohurive të shtuara dhe të kufizuara si fillim, kanë ndryshuar mendim. Por qëndrimi im është dhe do mbetet i njëjtë. Përdorimi i maskave apo masave të tjera që kufizojnë përhapjen e virusit, është i mirëpritur. Jam i pari që kam deklaruar se maska duhet të jetë ligjërim detyror, dhe po atë ditë kam thënë jam kundër mbajtjes së saj në mjedise të hapura.
Nga sot po dal kundër vetes, dhe them se duhet dhe në mjedise të hapura, sepse mbron dhe shton refleksin e mbajtjes”, tha Pipero.
Nga nesër, të gjithë shqiptarët janë të detyruar të vendosin maskat në vende publike. Kush nuk e bën këtë gjë, ndëshkohet me 3 mijë lekë gjobë dhe në raste përsëritje, gjoba është 5 mijë lekë.
