Shifra të larta të infektimeve ditore me Covid, ndërrojnë jetë 4 persona

Ende asnjë shenjë përmirësimi nga koronavirusi në Shqipëri. Në 24 orët e fundit janë infektuar 171 persona, një shifër e lartë kjo, duke iu referuar edhe bilanceve të ditëve që kemi lënë pas.

Në përditësimin e radhës së Ministrisë së Shëndëtësisë, bëhet me dije se 4 persona kanë humbur jetën si pasojë e pandemisë.

Po kështu, gjatë 24 orëve të fundit janë shëruar 85 persona, duke ia dalë mbanë të mposhtin COVID-19.

Njoftimi

Rastet pozitive të konfirmuara në 24 orët e fundit janë identifikuar në këto bashki: 65 raste në Tiranë, 20 raste në Elbasan, 14 raste në Korçë, 12 raste në Shkodër dhe Durrës, 8 raste në Krujë, 7 raste në Kavajë, 6 raste në Tropojë, 4 raste në Shijak, 3 raste në Devoll, Lezhë, Gramsh, 2 raste në Vlorë dhe Klos, 1 rast në Fier, Kurbin, Kamëz, Fush- Arrëz, Dibër, Kuçovë, Maliq.

Aktualisht në spitalin Infektiv dhe “Shefqet Ndroqi” po trajtohen 244 pacientë, 14 në terapi intensive nga të cilët 5 pacientë janë të intubuar.

Në 24 orët e fundit, me gjithë përpjekjet e mjekëve, fatkeqësisht e kanë humbur betejën me COVID19, katër qytetarë, një 64 vjeçar nga Shkodra, një 66 vjeçare nga Pogradeci, një 71 vjeçar nga Skrapari dhe një 78 vjeçar nga Përmeti.

COVID-19 – Statistika (12 Tetor 2020)

Raste të reja ditore 171

Të shëruar ne 24 orë 85

Humbje jete në 24 orë 4

Testime ditore 952

Testime totale 99,598

Raste pozitive 15570

Raste të shëruara 9585

Raste Aktive 5561

Humbje jete 424

Shpërndarja gjeografike e rasteve aktive sipas qarqeve:

Tiranë 2855