Kreu i Grupit Parlamentar, Taulant Balla, ka dhënë komentin e tij lidhur me përplasjet e vazhdueshme të PS me LSI dhe presidentin Meta. Ai tha se kur LSI nuk ka pushtet, për rrjedhojë edhe nuk ekziston. Më tej Balla hodhi thumbin e radhës ndaj Metës, pasi sipas tij, kemi një President Republike që nuk përfaqëson unitetin e vendit. Majde kërkon të dijë nga Meta nëse është ai apo Monika Kryemadhi, kryetar i LSI-së.
“Ka qenë një strukturë, e cila ishte e mbartur për arsye që lidhen me marrëdhënien e LSI me pushtetin. Kur LSI nuk ka pushtet, LSI nuk egziston.
Për fat të keq, ne sot kemi një President Republike që nuk përfaqëson unitetin e vendit. E nxisim Metën të qartësojë pozicionin e tij.
Nese është ai kryetar i LSI, apo Monika. Meta të sqarojë është Lulzim Basha kryetar i opozitës apo është Ilir Meta? Duam të dimë kush është kandidati i opozitës për kreun e opozitës”, tha Balla.
Në takimin e mbajtur në Elbasan me kryebashkiakë dhe drejtor të institucioneve, ishte i pranishëm edhe zv. kryeministri Erion Braçe, i cili u tregua i ashpër në deklarata, duke iu thënë drejtorëve se ai që nuk bën mirë detyrën, të largohet.
