Analisi Frrok Çupi ka hedhur akuza të forta ndaj presidentit Ilir Meta, duke thënë se ai është një njeri pa kulturë. Sipas tij, kreu u shtetit, Ilir Meta, po bën veprime anti-kushtetuese. Madje ai shkoi edhe më tej, ndërsa kërkonte të dinte se çfarë profesioni ka Meta, ndërsa për një kohë të gjatë është në politikë.
“Presidenti Meta po bën veprime anti-kushtetuese. Meta nuk i ka si kompetenca këto veprime sipas Kushtetutës.
Presidenti është një njeri pa kulturë. Më thoni çfarë profesioni ka Ilir Meta? Ka që në moshën 20-vjeçare që është në politikë”, tha Frrok Çupi në “Open”.
Çupi ka komentuar sjelljen e presidentit dhe “luftën” e tij me mazhorancën. “E njoh shumë mirë unë Ilir Metën. Mua më ka deklaruar vetë Meta, unë do vras këtë, do vras atë. Unë nuk jam për presidentin e terrorin. Kërcënimi dhe terrori i Ilir Metës nuk pranohet”, tha Çupi.
