Kreu i PD, Lulzim Basha, ka prezantuar një plan me 5 pika të cilësuar si ‘program rimëkëmbjeje’ kundër krizës së shkaktuar nga pandemia. Basha ka dhënë alarmin për një katastrofë potenciale sa i takon situatës aktuale, të krijuar nga pandemia e koronavirusit.
Dy pikat e planit të rimëkëmbjes së PD-së pas krizës, është hapja e shkollave dhe ndihma ekonomike.
“Hapja e shkollave. Furnimimi me ujë, maska mbrojtëse dhe dezifentimi i ambienteve. Kryerja e testimit periodik për mësuesit dhe stafit.
Investimi në teknologjinë për rastet kur duhet aplikuar mësimi online, për ata familje në nevojë që nuk kanë mundësi. Asnjë lek nuk ka shkuar te ata që janë goditur nga kriza.
Propozimi ynë është mbështetja e çdokujt që ka humbur vendin e punës, të marrë një cek mujor 16 mijë lekë në muaj për 6 muaj me radhë. Krijimi i një fondi punësimi për të mbështetur bizneset, për të marrë në punë të larguarit gjatë pandemisë.
20 mijë lekë të reja në 6 muaj për bizneset që marrin në punë ata që larguan gjatë pandemisë. Dyfishim i ndihmës ekonomike për 6 muajt e ardhshëm.
2 mijë lekë të reja për 6 muaj për çdo pensionist. Biznesi i vogël, është goditur më rëndë dhe masivisht nga kriza ekonomike. Për të gjitha bizneset aktive të regjistruara, një mbështetje të drejtpërdrejtë çek 1000 euro, për punëdhënësit e mëdhenj, subvencionit i taksës 50%, rikonceptimi i kritereve të përfitimit të garancisë sovrane që të bëhet më e aksesueshme për marrjen e kredive”, tha Basha.
