Gazetari i njohur, Mentor Kikia, ka reaguar ashpër pas publikimit të rastit në Kavajë, ku një i ri rreh një të moshuar në lokal dhe e godet me thikë.
Përmes një postimi në Facebook, Kikia shprehet se mosveprimi i shtetit mund të kishte çuar në vetëgjyqësi. Ai thotë se pas këtij rasti shefi i policisë në Kavajë duhet të japë dorëheqjen.
Postimi i plotë:
Përse rri ende në zyrë kreu i policisë së Kavajës?
Një ngjarje tronditëse në të gjitha përmasat e saj.
Një burrë me thikë në dorë që sulmon një të moshuar në mes të lokalit. Shkaku është se i moshuari ankohet se burri me thike ne dore, hidhte mbeturinat para shtëpisë së tij. Pas dhunës, krimineli del qetë-qetë dhe ikën në shtëpi. Policia thotë se është shpallur në këkrim, por ngjarja nuk është raportuar fare dhe banorët e lagjës raportojnë se njeriu i dhunshëm është në shtëpinë e tij. Vetëm pasi videoja u bë publike, edhe pse ngjarja ka ndodhur disa ditë më parë, policia vihet në lëvizje për të marrë dëshmitë e personave që kanë qenë aty.
Mosveprimi i shtetit është shkaku kryesor i vetëgjyqësisë, pasi çdo djalë do të ngrite dorën ndaj atij krimineli që i masakroi të atin e policia nuk lëviz.
Kaq mjafton që shefi i policisë në Kavajë të japë doreheqjen, pa asnjë mëdyshje.
Kjo është një kërkesë publike dhe unë ju ftoj ti bashkoheni asaj duke e shpërndarë këtë postim.
