Bujar Çela, vëllai i Talo Çelës u vra sot në orën 05:45 të mëngjesit të sotëm, sapo ka zbritur nga makina e tij në një lokal te rrethrrotullimi i Bradasheshit.
Viktima është baba i dy fëmijëve dhe punonte si taksist. Ai priste udhëtarët që vinin me autobusët e Greqisë.
Tre persona të veshur si policë kanë ekzekutuar me armë zjarri Bujar Çelën, teksa po konsumonte kafen e mëngjesit në një lokal në fshatin Bradashesh.
Ata e kanë ndjekur për disa ditë 50-vjeçarin, duke mësuar kështu rutinën e tij të përditshme.
Autorët e kanë vëzhguar edhe këtë mëngjes viktimën dhe sapo ky i fundit u ul në lokal për të pirë kafe, ata qëlluan me armë zjarri 4 herë në drejtim të tij.
Ndërsa burime nga Policia e Elbasanit njoftojnë se pista ku janë përqëndruar hetimet është ajo e hakmarrjes për shkak të problemeve të vëllait Talo Çela, i shpallur prej disa kohësh në kërkim kombëtar dhe ndërkombëtar.
