Italia ka regjistruar një rritje të numrit të rasteve të reja dhe viktimave nga koronavirusi në 24 orët e fundit.
Sipas Worldometers, Italia ka regjistruar 1,434 raste të reja në bilancin e fundit ditor, 78 më shumë se një ditë më parë.
Ndërsa sa i përket numrit të viktimave, gjatë 24 orëve u shënuan 14 të vdekur nga COVID-19, në krahasim me 10 që regjistruan një ditë më parë.
Që prej shpërthimit të pandemisë, Italia ka konfirmuar gjithsej mbi 281 mijë raste pozitive dhe 35,577 viktima.
Aktualisht, më shumë se 34 mijë raste janë ende aktive në vendin fqinj.
