Italia ka regjistruar sot një rritje të numrit të viktimave të shënuara nga pandemia e koronavirusit.
Gjatë 24 orëve të fundit, kanë humbur jetën 9 persona, 6 më shumë se një ditë më parë ku u shënuan vetëm 3 viktima. Kështu shkon në 35,141 numri total i viktimave të shënuara nga COVID-19 në vendin fqinj.
Sa i përket rasteve të reja, nuk ka pasur ndonjë luhatje të madhe krahasuar me dje, por shifrat e konfirmuara gjatë këtyre 48 orëve janë të larta krahasuar me ditët e mëparshme.
Sipas Worldometers, në 24 orët e fundit në Itali janë shënuar 379 raste të reja, duke e çuar në 247,537 numrin total të të infektuarve.
Mbi 12 mijë raste janë ende aktive në shtetin fqinj, ndërsa 41 persona ndodhen në gjendje të rëndë për jetën.
Më shumë se 17,6 milionë njerëz nga e gjithë bota janë prekur nga koronavirusi, ndërsa rreth 670 mijë persona kanë humbur jetën.
