Epidemiologu i njohur Ilir Alimehmeti përmes një postimi në rrjetin social Facebook, ka udhëzuar qytetarët që të mos ndihen të mbrojtur apo “supermenë” vetëm se kanë vendosur një maskë.
Alimehmeti bën thirrjen e fortë që të ruhet distanca sociale.
Sipas tij, distanca është siguri 100%: “Mbani distancën, se ajo është siguri 100%! Maska nuk është siguri 100%! Asnjë lloj maske!”
Postimi i tij i plotë:
“Që ta kemi të qartë! Jo çdo maskë mbron! Maska nuk është dordolec! Përdorni maskën e duhur në momentin e duhur, ose lëreni fare atë muhabet!
…
(Shtesë vetëm për ata që fokusohen në detaje dhe jo në mesazhin e përgjithshëm)
Qëllimi i postimit është:
Mos u ndjeni të mbrojtur apo supermenë vetëm se keni maskë, sidomos maska të tipit “beje mirë, bëje vetë”!
Mbani distancën, se ajo është siguri 100%! Maska nuk është siguri 100%! Asnjë lloj maske! DISTANCA ËSHTË KYÇE”.
