Këngëtarja e njohur, Anxhela Peristeri, ka folur në lidhje me masën e marrë së fundmi nga qeveria, për mbylljen e klubeve të natës pas orës 20:00.
Në një intervistë për emisionin “Wake Up” në Top Channel, Peristeri tha se me të ardhurat nga muzika mban veten dhe familjen e saj.
Ajo i bën thirrje qeverisë që të gjejë një zgjidhje lidhur me këtë çështje.
“E kam profesion muzikën dhe bazohem tek të ardhurat që më sjell ajo, për veten dhe për familjen. Jam e para që kam mbështetur karantinën dhe 2 muaj nuk kam dalë fare nga shtëpia gjë që më shoqëroi me kriza ankthi dhe që tani e kujtoj si një periudhë shumë të errët. Do doja që kjo periudhë të më fshihej komplet.
Duhet gjetur një zgjidhje për ne dhe për të tjerët që kanë mbetur pa punë. Isha në Greqi pasi kam pasaportë greke dhe mund të lëviz. Aty ishte një jetë normale. Nuk kishte raste sa këtu. Bëra dy klipe, dy investime dhe do doja që të punoja këto 2-3 muaj. Mendoj se do gjendet një zgjidhje pasi nuk mund të mbetemi në këto kushte”, tha ajo.
