Kompania Apple ka fshirë kufirin ndarës të Republikës së Kosovës me Serbinë në hartën e saj, duke i përfshirë në një shtet të vetëm. Kaq ka mjaftuar që të shpërthenin kritikat.
Kjo ka ngjallur debat për shqiptarët e Kosovës, të cilët e konsiderojnë të papranueshme. Këngëtaret me famë botërore si Dua Lipa dhe Rita Ora, kanë nisur një peticion online.
“Kosova është shumë më tepër se numra, ekziston dhe duhet të respektohet”, shkruan Dua në postimin që ka shpërndarë.
Pas Duas, i menjëhershëm ka qenë reagimi i Rita Orës, e cila e ka publikuar foton në llogarinë e saj në Instagram, dhe ka etiketuar profilin zyrtar të Apple në këtë rrjet social.
Por jehona në mesin e artistëve vijon, pasi edhe Gjiko, Capital T apo Melinda Ademi kanë bërë thirrje për nënshkrimin e peticionit.
