Britania e Madhe njoftoi sot se do të ndërpresë publikimin e të dhënave ditore, për numrin e personave që humbin jetën nga koronavirusi.
Sipas mediave britanike, qeveria dha urdhër për rishikim të llogaritjeve, për shkak të dyshimeve se shifra zyrtare mund të jetë ekzagjeruar.
Autoritet thonë se mënyra se si organet shëndetësore në Angli e llogarisin shifrën e viktimave, ka bërë që gjendja të duket më e rëndë sesa në shtetet e tjera të Mbretërisë së Bashkuar.
Ministri i Shëndetësisë, Matt Hancock, dha urdhër për rishikim urgjent të statistikave ditore për rastet fatale, të publikuara nga organet në Angli pasi dyshohet se në to mund të jenë përfshirë persona të shëruar që mund të kenë vdekur për shkaqe të tjera.
