Një tjetër viktimë është regjistruar sot tek Infektivi, duke e çuar në 48 numrin total të jetëve të humbura. Një pacient 90-vjeçar nga Tirana, ka ndërruar jetë në Spitalin Infektiv. I moshuari vuante nga disa sëmundje bashkëshoqëruese si silikoza, hipertension.
“Një pacient 90 vjeçar nga Tirana ka ndërruar jetë në Spitalin Infektiv në QSUT, i prekur nga COVID-19, me disa sëmundje bashkëshoqëruese silikoza, hipertension. Ministria e Shëndetësisë i shpreh ngushëllime familjes së të ndjerit, dhe i rikujton qytetarëve rëndësinë që ka respektimi i masave mbrojtëse për të kufizuar përhapjen e COVID-19”, thuhet në njoftimin e MSH.
Gjatë 24 orëve të fundit ka ndërruar jetë edhe një 34-vjeçare nga Librazhdi.
