Së fundmi është zbardhur dëshmia e shoferit të kamionit, në të cilin ndodheshin 2 milion euro të padeklaruara.
Kamioni vinte nga Italia me tragetin Durrës-Bari.
51-vjeçari i arrestuar nga policia ka deklaruar se nuk ka dijeni për paratë e gjetura në mjetin që drejtohej prej tij, shkruan “abcnews.al”.
Ai është shprehur se bën transportin dhe nuk e di se çfarë ka në pjesën e pasme të kamionit.
Policia ka nisur hetimet për të mësuar se nga ku është nisur kjo ngarkesë dhe kush ishte destinacioni i saj.
Ndërkohë vijon ende numërimi i parave në Komisariatin e Policisë së Durrësit.
Paratë ishin futur në 5 qese plastmasi dhe ishin mbuluar me lëndën e parë që përdoret për prodhimin e këpucëve.
