Prokuroria e Posaçme Kundër korrupsionit dhe Krimit të Organizuar (SPAK) ka mbyllur hetimet për grabitjen e 4.6 mln eurove në Rinas në 9 prill të vitit 2019.
Mësohet se SPAK i ka komunikuar akuzën personave të arrestuar për këtë ngjarje, ndërsa dosja pritet të shkojë në gjykatë për seance paraprake.
Si të pandehur nga organi i akuzës u morën Eldi dhe Klemend Çala, Oltion Veseli, Elton Pikli, Renaldo Sula dhe Alkond Bengasi.
SPAK ka cilësuar si kreun e grupit kriminal Admir Muratin që u vra ditën e grabitjes gjatë përplasjes me arme me policinë. Në kërkim vazhdon të jetë Talo Çela, për të cilin ka masë sigurie në mungesë.
