Gazetari Artan Hoxha në studion e “ABC News” komentoi atentatin e tretë që iu bë Ardjan Çapjas mëngjesin e sotëm në qytetin e Elbasanit.
Hoxha theksoi se në këto lloj atentatesh snajperistët janë qitës jo të zakonshëm, por të specializuar.
“Kush mund të realizojë një qitje me 250 m distancë?
Zakonisht snajperat godasin objektivat e vështirë. Zgjidhet një snajperist për këto lloj goditjesh. Snajperistët janë ish-ushtarakë ose ish-pjesëtarë të forcave speciale. Aktualisht janë 3 snajperistë në gjithë Shqipërinë.
Në këto lloj atentatesh snajpersitët janë qitës jo të zakonshëm, janë qitës të specializuar, që masin edhe shpejtësinë e erës kur qëllojnë dhe kanë parasysh edhe elementë të tjerë, që ata e masin për të realizuar një qitje të saktë.
Me aq njohuri sa kam, Shqipëria nuk ka shumë forca speciale. RENEA, maksimumi mund të bëhen dy grupe.
Policia s’ka trupa të tjerë specialë përveç RENEA-s.
Në Shqipëri kemi shumë pak snajperistë, e gjej të pavend që këta njerëz që sakrifikojnë jetën dhe familjen e vet, ata janë një armë që shteti duhet të vendosë ose ta mbajë vetë ose do ta lërë ta marrin të tjerët.
Kjo është një ngjarje që duhen pasur parasysh disa elementë. Këto atentate kanë kosto, sepse objektivi është shumë i vështirë.
Të gjitha tentativat për t’i eliminuar nga afër kanë dështuar për shkak të një gabimi që nuk e kanë llogaritur mirë”, u shpreh Hoxha.
