Kreu i Shtetit, Ilir Meta, në një deklaratë para mediave u ndal më gjerë tek çështja e eurobondit dhe KLSH-së. Për këtë të fundit, Meta tha se nuk do të lejojë asnjë lloj presioni.
Presidenti Meta deklaroi se letra që ka marrë nga kryetari i Kuvendit, Gramoz Ruçi, është shoqëruar nga një fushatë publiciteti ku është shantazhuar Presidenti, se do të emërohet kryetari i ri i KLSH pa propozimin e tij. Ai tha se i ka bërë thirrje kryetarit aktual të KLSH Bujar Leskaj, që të mos i bindet asnjë urdhri uzurpator.
“Ligjin për pagesat, paraqet disa problematika të theksuara. Adresimi i tyre nga Kuvendi do ofrojë një terren më të sigurt ligjor për ruajtjen e interesit publik. Me kënaqësi shpalla ligjin për sigurimet shoqërore, i cili do të vlerësojë dhe kontributin e dhënë ndër vite nga sportistët.
Këtë javë patëm një komunikim me Kuvendin për eurobondin e ri. Shumë që duan të emetohet, nxitimi më detyruan të mos jepja fillimisht pëlqimin. Reflektimi i Kuvendit për shqetësimet e ngritura dhe praninë e faktit se lidhej me urgjencën që po kalonte vendi, bënë që të jepja pëlqimin që çdo transaksion financiar të paraprihet nga një analizë.
Në 26 maj jam njohur dhe me letrën që kreu i Kuvendit më dërgonte për një kandidaturë të re për KLSH. Me një institucion kaq të rëndësishëm, nuk do të lejoj të bëhet presion siç ndodhi. Është një mekanizëm rrëmbyes dhe uzurpues i institucioneve të pavarura. I kam kërkuar dhe kreut të KLSH të mos i bindet asnjë akti apo urdhri që mund të sjellë uzurpimin e këtij institucioni kushtetues. Ftoj Kuvendin të vlerësojë kandidaturën”, deklaroi Meta.
