Në një konferencë me gazetarët, kryeministri Rama edhe një herë tjetër paralajmëron shqiptarët se virusi nuk ka iku, ndaj në çdo kohë ata duhet që të jenë vigjilent. Ai tha ndër të tjera se lufta ende s’ka mbaruar, dhe se përgjegjësia është e përbashkët.
Rama po kështu zbuloi se pas një diskutimi që ka patur me bluzat e bardha, vala e dytë thuhet se mund të vijë në vjeshtë me gjithë viruset që janë në dimër. Por edhe mund të mos vijë. Po kështu ende nuk dimë çfarë impakti do të ketë fluksi i madh i turistëve në përhapjen e koronavirusit.
“Lufta s’ka mbaruar. U desh kjo kohë që unë ta kuptoja se sa shumë na merr malli për njeri tjetrin, nuk bëjmë dot pa njëri-tjetrin. Dua ta ritheksoj se është e rëndësishme edhe pse e bezdisshme që njerëzit të mos harrojnë që virusi nuk ka ikur, se po të kishte ikur, do e kishin deklaruar ata që janë shumë më të zhvilluar. Virusi është këtu, edhe në kushtet kur ne e kemi normalizuar lëvizjen dhe jetën nga pikëpamja e lirive, është e qartë që gjithë përgjegjësia tani nuk është e jona si qeveri, por e përbashkët me çdo qytetar.
Se duhet të kuptohet se nuk do kontrollohet populli i gjithë në jetën e tij të përditshme me policë, ushtarë e inspektor, kur çdonjëri mund të bëjë gabim. Ndaj nuk duhet neglizhuar, se nuk e dimë, këtë po diskutonim dhe me mjekët. Vala e dytë, thuhet se mund të vijë në vjeshtë me gjithë viruset që janë në dimër, mund të mos vijë. Nuk dimë çfarë impakti do të ketë fluski i madh i tursitëve, pra duhet të jemi gati”, tha Rama.
Rama ka lëshuar thumbime edhe për politikanët, kur tha se “pyll pa derra nuk ka”. “Nuk kemi pasur asnjë humbje jete nga bluzat e bardha, shpresoj të mos kemi. Ndërkohë që vendet e zhvilluara kanë pasur me qindra, nuk kemi pasur braktisje detyrë si në vendet e tjera, kemi pasur një super skuadër të angazhuar ditë-natë. Ky është fakt, që do të thotë që pyll pa derra nuk ka, por në të gjithë kategoritë derrat nuk bëjnë rregullin, por përjashtimin. Edhe mes politikanëve nuk janë të gjithë njësoj, edhe mes mjekëve, e duke folur për bluzat e bardha, ku ka zë nuk është pa gjë për ryshfetin dhe shkeljet e etikës së profesionit të mjekut e të infermierit. Por ama unë e kam thënë dhe e përsëris sot, padiskutim që askush në këtë vend nuk lihet pa trajtim dhe pa kurim, aq më tepër të lihet të vdesë për lekë në spital, kjo është e pavërtetë”, deklaroi Rama.
