Organizata Botërore e Shëndetësisë ka paralajmëruar për një valë të dytë të koronavirusit.
Maria Van Kerkhove, një epidemiologe e sëmundjeve infektive në OBSH, theksoi se të gjitha shtetet duhet të jenë gati:
“Shtetet duhet të qëndrojnë në gatishmëri. Të gjitha vendet duhet të jenë të gatshme për të zbuluar me shpejtësi rastet, madje edhe vendet që kanë pasur sukses në menaxhimin e situatës. Edhe vendet që kanë parë një rënie të rasteve duhet të mbeten të gatshme”.
Ndërsa Dr. Mike Ryan, drejtues ekzekutiv i Programit të Emergjencave Shëndetësore në OBSH, deklaroi se për momentin jemi në mes të valës së parë:
“Mund të kemi disa muaj për t’u përgatitur për një valë të dytë, mund të kemi edhe një pik të dytë në këtë mënyrë. Vala e dytë mund të vijë gjatë sezonit të gripit normal dhe kjo do të komplikojë situatën dhe kontrollimin e sëmundjes”.
