Aktori Florjan Binaj ka shprehur revoltën e hapur, ndaj rregullave të marra në kuadër të masave kundër përhapjes së COVID-19. Me anë të një statusi në Instagram, aktori i ‘Portokallisë’, ka shpërthyer ndaj qëndrimit publik të Ramës.
Reagimi i tij vjen pas fjalës së kryeministrit, se fundjava pa makina do të vijojë edhe për dy javë të tjera, dhe më pas do të rikthehet sërish pas sezonit të verës si një mënyrë e re jetese nga tetori në mars.
“Unë nuk pranoj t’i bindem urdhrave të një njeriu që më shkel të drejtat e mia. Duke më mohuar lirinë timë në emër të surrealizmit të tij. Ti mund të jesh çfarë të duash por unë dhe qytetarët e këtij vendi, nuk jemi dele!”.
