Kryeministri Edi Rama bën me dije se kufizimet do të vijojnë edhe këtë fundjavë, për shkak të situatës së krijuar nga koronavirusi.
Përmes një postimi në Facebook, Rama thekson se fundjava do të vijojë njësoj si e shkuara. Kjo do të thotë që në zonat e kuqe do të kenë liri-dalje deri në orën 10:00 të moshuarit. Ndërsa nga ora 11:00 deri në 17:30 prindërit me fëmijët.
“Kjo fundjavë do të vijojë njësoj si e shkuara. Ta kaloni sa më qetë”, shkruan ai në postimin e tij.
