Ambasadorja e Shteteve të Bashkuara të Amerikës, Yuri Kim, ka lëshuar një mesazh mjaft të fortë ndaj klasës politike. Ajo ka paralajmëruar se nuk ka pazare për Reformën Zgjedhore dhe atë në Drejtësi. Po kështu, me një mesazh mjaft të qartë dhe të drejtëpërdrejtë, ambasadorja ka kërkuar që ti jepen fund lojërave politike, dhe që liderët të mbajnë fjalën e tyre para popullit.
“Mesazhi im është shumë i qartë. SHBA duan të njëjtën gjë që populli shqiptar do. Duam që Shqipëria të jetë aleat i fortë, i aftë i SHBA dhe të jetë pjesë e familjes evropiane.
Ju nuk mund ta keni këtë pa Reformë Zgjedhore, ju nuk mund ta keni këtë pa Reformë në Drejtësi.
Këto të dyja s’janë pazare, por domosdoshmëri. Është koha të realizohen, jo për lojëra.
Është koha të realizohet Reforma në Drejtësi dhe ajo Zgjedhorja. Është koha që liderët të mbajnë fjalën para shqiptarëve. Kjo është ajo që shqiptarët dhe SHBA-të presin prej tyre”.
