Italia ka regjistruar sot një rënie të lehtë të numrit të viktimave nga koronavirusi, në krahasim me një ditë më parë.
Gjatë 24 orëve të fundit, në vendin fqinj kanë humbur jetën 156 persona, 5 më pak se ditën e djeshme. Kështu shkon në 32,486 numri total i personave që kanë humbur jetën nga ky virus në Itali.
Sa i përket rasteve të reja, në 24 orët e fundit u regjistruan 642, duke e çuar në 228,006 numrin total të rasteve të konfirmuara që nga shpërthimi i pandemisë.
Më shumë se 134 mijë persona janë shëruar nga COVID-19 në shtetin fqinj, ndërsa mbi 60 mijë raste janë ende aktive. Prej këtyre, 640 ndodhen në gjendje të rëndë shëndetësore.
Italia shënon shifrën e tretë më të lartë në botë të viktimave të shënuara nga koronavirusi, pas SHBA-ve dhe Mbretërisë së Bashkuar.
