Kryeministri Edi Rama ka komentuar në lidhje me padinë që presidenti Meta ka depozituar në Gjykatën Kushtetuese për çështjen e Teatrit Kombëtar.
Në një intervistë për News24, Rama tha se Kushtetuesja nuk ka kompetenca kushtetuese dhe se nuk merret me çështje urbanistike.
Kreu i qeverisë deklaroi se nuk dëshiron që të politizojë me kreun e shtetit.
“Nuk flas asnjëherë me ‘nëse’. Gjykata kushtetuese diskuton dhe flet mbi kompetenca kushtetuese. Nuk di që të ketë ndonjë kompetencë urbanistike apo ekzekutive të natyrës zhvillimore. S’di ndonjë institucion tjetër. Nuk di ndonjë konflikt me asnjë institucion jashtë ekzekutivit ku ne i kemi përfshirë nga pikëpamja administrative. Nga pikëpamja politike është një gjë tjetër. Nuk dua të politizoj me zotin president”, tha ai.
