Ambasadori i BE-së, Luigi Soreca është shprehur se Bashkimi Evropian do të vijojë të ndihmojë Shqipërinë në luftën kundër koronavirusit.
Të hënën e kaluar Soreca dorëzoi pjesën e parë të donacionit prej 4 milion € Ministrisë së Shëndetësisë, për të luftuar COVID-19. Më konkretisht ai dorëzoi: 120,000 palë dorashka, 2,000 maska dhe syze mbrojtëse dhe 1000 litra dezinfektues.
Ndërkohë përmes një postimi në Twitter, Soreca njofton se dorëzimi i pajisjeve të tjera të nevojshme do të bëhet javën e ardhshme.
“Ne duhet të jemi rezistent dhe të disiplinuar në luftën kundër # COVID__19. Të gjithë duhet të respektojmë rregullat në fuqi për të ndihmuar gjithë komunitetin të dalë nga kriza. Bashkimi Evropian do të vazhdojë të ofrojë ndihmë thelbësore për Shqipërinë. Dorëzimi tjetër i pajisjeve është planifikuar javën e ardhshme”, shkruan ai.
We must be resilient and disciplined in the fight against #COVID__19. We all need to respect the rules in force to help the whole community getting out of the crisis.
The #EU🇪🇺 will continue to deliver essential help to🇦🇱. Next delivery of equipment is planned next week. 🇪🇺🇦🇱 https://t.co/uJNyUnk23D— Luigi Soreca (@LSorecaEU) May 15, 2020
