Një lajm i mirë vjen nga Britania e Madhe, teksa ka filluar sot testimi i vaksinës kundër koronavirusit, tek dy vullnetarët e parë.
Sipas mediave vendase, vaksina është bërë nga Universiteti i Oxford në një periudhë kohore prej më pak se 3 muajsh. Mësohet se fillimisht do të testohen 800 vullnetarë.
400 prej tyre do marrin vaksinën anti-COVID dhe 400 të tjerët me anti-trupa ndaj meningjitit por jo koronavirusit. Një nga dy vullnetarët e parë është shkencëtarja, Elisa Granato e cila shprehet se e bën këtë vetëm për të mbështetur punën shkencore kurdo që duhet.
https://twitter.com/BBCBreaking/status/1253374462856216579
Ndërkohë, profesoresha e Vaksinologjisë në universitetin e Oxford-it shprehet se është 80% e sigurt se vaksina do të funksionojë.
Deri më tani, koronavirusi ka prekur mbi 2,6 milionë njerëz nga e gjithë bota, ndërsa i ka marrë jetën rreth 189 mijë personave.
