Departamenti Amerikan i Shtetit publikoi sot një listë me vendet që do të marrin ndihma nga SHBA, ku mes tyre ishte edhe Shqipëria, e cila do të përfitojë 1,2 milionë dollarë për të luftuar koronavirusin.
Në lidhje me këtë njoftim ka reaguar edhe ambasada e SHBA-ve në Tiranë. Përmes një postimi në Facebook, ambasada bën me dije se këto fonde do të shkojnë për pajisje laboratorike, zbulimin dhe gjurmimin e rasteve, përgatitjen e stafit laboratorik, përmirësimi i komunikimit të rreziqeve.
Sipas njoftimit të ambasadës, SHBA tashmë ka investuar në 20 vite 51.8 milionë dollarë vetëm në shëndetësi në Shqipëri, kurse në total 693 milionë dollarë si ndihma.
Postimi i plotë:
?? | Qeveria e Shteteve të Bashkuara, përmes USAID-it, ka miratuar fonde shtesë për Shqipërinë në ndihmë të luftës kundër pandemisë COVID-19. Këto fonde do të vazhdojnë ndihmën në pajisjen e laboratorëve, rritjen e mundësive të zbulimit dhe gjurmimit të rasteve pozitive, përgatitjen e stafit laboratorik për të reaguar, përmirësimin e komunikimit të rreziqeve e më shumë. Gjatë 20 viteve të fundit, Shtetet e Bashkuara kanë investuar në Shqipëri mbi 51.8 milionë dollarë në fushën e shëndetësisë, dhe mbi 693 milionë dollarë në ndihmë
