Në Shtetet e Bashkuara, numri i të vdekurve nga koronavirusi ka arritur në 11 mijë.
Ndërkohë numri i të infektuarve raportohet se ka shkuar në 370 mijë.
Mbrëmë, në konferencën për gazetarët në Shtëpinë e Bardhë Presidenti Donald Trump pohoi se ka ofruar ndihmë për shërimin e kryeministrit britanik Boris Johnson, i cili vazhdon të jetë në kujdes intensiv me koronavirus.
Kryeministri britanik është në oksigjen për shkak të komplikimeve serioze dhe qeverinë po e drejton ministri i tij i jashtëm.
Shkencëtarët kanë paralajmëruar se Britania po hyn në një fazë që do të jetë më vdekjeprurësja që nga fillimi i pandemisë në vend.
Po në Kinë, si paraqitet situata?
Sot për herë parë Kina nuk raportoi vdekje të reja nga koronavirusi. Po ashtu pati një rënie të rasteve të reja me COVID 19.
