Teksa ka publikuar projeksionet e hartuara nga Ministria e Shëndetësisë, Rama tha në një komunikim online tha se nëse nuk do ishin marrë masat e duhura, të infektuarit dhe numri i viktimave do ishte i lartë. Nëse shqiptarët nuk do të ishin izoluar, bëhet fjalë për një parashikim ku shkon me 3008 të infektuar dhe 286 persona të vdekur.
“Nëse nuk do të kishim reaguar menjëherë duke marrë masat e forta, deri tani do të kishim 286 të vdekur.
Do të kishim sot 3008 të infektuar. Me projeksionin mesatar do të kishim 600 të infektuar. Sot jemi vetëm 377, dhe ky është rezultati i mirë. Do të kishim më shumë të vdekur, por matja adekuate është ajo me 1 milionë banorë. Të vdekurit janë jetë njerëzish, jo numra. Na dhembin. Të shëruarit po ashtu. Nëse ecim kështu, luftën do e bëjmë kryelartë. Ju falenderoj të gjithëve”, tha Rama.
Pavarësisht masave drastike të parashtruara më herët nga Rama, ka ende nga ata qytetarë, të cilët dalin jashtë fashës së orarit dhe bëjnë shëtitje.
