Sot është vendosur në tregun e Kombinatit një tunel dezinfektues, me qëllim ruajtjen e shëndetit të qytetarëve.
Raportohet se asnjë nga qytetarët nuk është lejuar të hyjë në treg pa maskë dhe doreza. Sakaq, personat që kanë qenë pa këto masa mbrojtëse, janë pajisur nga punonjësit e bashkisë me maska e doreza.
Gjithashtu bëhet një kontroll i imtësishëm për lejen për të lëvizur në këto fasha orari.
Qytetarët, ndryshe nga ditët e tjera, qëndrojnë tek rrathët e verdhë që shërbejnë për të ruajtur distancën. Ka vetëm një hyrje dhe një dalje. Në hyrje të tregut qytetarëve u kërkohet autorizimi që kanë marrë leje për të dalë nga shtëpia, dhe më pas i nënshtrohet dezinfektimit te tuneli.
Për të monitoruar situatën, janë të pranishëm forca policie dhe ushtarake.
