Greqia vijon të vuajë pasojat e shumta që ka sjellë në vend përhapja e koronavirusit. Një tjetër viktimë është shënuar ditën e sotme duke e çuar në 20 numrin total të vdekjeve.
Bëhet fjalë për një 41-vjeçare nga Kosturi, e cila vuante edhe nga sëmundje të tjera shoqëruese.
Mediat greke bëjnë me dije se e ndjera ka ndërruar jetë para dy ditësh. Ndërsa vetëm sot pas analizave të zhvilluara, u konfirmua se ajo ishte infektuar nga koronavirusi.
E gjithë familja e saj është karantinuar do të qëndrojë në izolim për të paktën dy javët e ardhshme.
Deri më tani në Greqi regjistrohen 695 të infektuar.
