Kryeministri Edi Rama së fundmi ka publikuar në Facebook një video ku shfaqen forcat policore duke sensibilizuar qytetarët që janë në lëvizje për të ruajtur distancën me njëri-tjetrin dhe për të qëndruar në shtëpi.
Rama shkruan se situata sot është më mirë se dje dhe i shpreh mirënjohjen Policisë së Shtetit.
“Sot edhe më mirë se dje. Vetëm kështu mund dhe do t’ia dalim me se s’bën të mos kemi qindra e qindra dhe mos o Zot mijëra humbje jete. Forca motra e vëllezër, durim, durim, durim. #respekt #mirënjohje për Policinë e Shtetit”, shkruan Rama.
Kujtojmë se numri i viktimave nga koronavirusi në Shqipëri është rritur duke shkuar në 5 ndërsa numri i të infektuarve në 123.
