Përhapja e gjerë e koronavirusit po shkakton një krizë të madhe ekonomike në të gjithë botën.
Masat kufizuese të ndërmarra nga shtetet e prekura, kanë bërë që ekonomia të pësojë krisje të rënda. Edhe në Maqedoninë e Veriut ku sot u shënua viktima e parë nga koronavirusi, situata nuk është më ndryshe.
Ministrja e Financës, Nina Angellovska ka bërë me dije se Maqedonia e Veriut do të marrë 600 milionë euro borxh për të përballur krizën ekonomike nga koronavirusi
Maqedonia e Veriut pritet të publikojë masat e dyta lidhur me situatën e Covid-19, ku do të bëjnë pjesë edhe ato ekonomike në ndihmë të qytetarëve dhe bizneseve të prekura nga koronavirusi.
Sipas ministres, efektet negative do të ndjehen në tre-mujorin e dytë. Ajo theksoi se ende nuk ka një plan të qartë se si do të ndahen ndihmat.
Mësohet se borxhi që do të marrë Maqedonia do të jetë me afat të drejte kthimi 12-mujor. Mediat vendase raportojnë se 87 milionë euro do të tërhiqen nga FMN, ndërsa 100 deri 120 milionë nga Banka Botërore.
