Në Kosovë është shënuar viktima e parë nga koronavirusi.
Bëhet fjalë për një 85-vjeçar nga komuna e Podujevës i cili nuk arriti që t’i mposhte simptomat e COVID-19.
Lajmin e ka konfirmuar djali i të ndjerit.
“Ju njoftojmë se sot me 22.03.2020 ndrroi jetë baba jonë Halim Haliti, ju njoftoj për ceremoni të varrimit do të bëhet vetëm nga familja e ngushtë. E di që shumë familjarë, miq, dhe shokëve që ka pas baba për të marrë pjesë në varrim, po për shkak të situatës së fundit e cila është përhapë edhe në Kosovë dhe ruajtjes së shëndetit tuaj, varrimi do të bëhet vetëm nga ne familja e ngushtë. Me respekt familja Haliti!”, thuhet në njoftimin mortor, shkruan “gazeta express”.
Numri i të infektuarve me koronavirus në Kosovë ka shkuar në 31.
Qeveria po bën vazhdimisht apel tek qytetarët që të qëndrojnë në shtëpi.
