Rritet numri i të prekurve nga koronavirusi në Kosovë.
Mediat vendase bëjnë me dije se në 24 orët e fundit është shënuar edhe 1 rast i ri. Ministri i Shëndetësisë Arben Vitia dhe Drejtori i Institutit Kombëtar të Shëndetësisë Publike, Naser Ramadani dolën në një konferencë për mediat ku konfirmuan se numri total i të prekurve në Kosovë ka shkuar në 17.
Ramadani bëri me dije se bëhet fjalë për një familjar të personit të infektuar nga fshati Dumnicë, i Komunës së Podujevës.
“Rasti i sotëm është nga Dumnica. Ai është familjar i personit të parë të konfirmuar me koronavirus”, tha ai.
