4 raste të reja janë konfirmuar me koronavirus në Shqipëri, duke e çuar numrin total të të infektuarve në 55.
Informacioni i mësipërm është dhënë nga Instituti i Shëndetit Publik.
Personat e sëmurë gjenden në këto qytete:
— Në Tiranë: 38 persona;
— Në Durrës: 5 persona, përfshi një të moshuar që ndërroi jetë;
— Në Fier: 6 persona;
— Në Lushnjë: 2 persona;
— Në Elbasan: 2 persona;
— Në Rrogozhinë: 2 persona.
Prej tyre, 25 janë të shtruar në Spitalin Infektiv të QSUT-së… tre prej të shtruarve janë në terapi intensive, mes të cilëve një 66-vjeçar nga Lushnja që ndodhet në gjendje më kritike.
Sot janë sjellë me urgjencë në Tiranë 2 persona të prekur, babë e bijë nga Fieri.
Të sëmurët e tjerë të shtruar janë në gjendje të stabilizuar deri në këto momente. Katër prej të prekurve janë një mjek dhe tre infermierë të Spitalit Shefqet Ndroqi.
Ata janë infektuar pasi i kanë shërbyer një pacienti të prekur me koronavirus, i shtruar në spital që prej 23 shkurtit. Ky pacient është vizituar në spital nga një i afërm që vinte nga Italia, dhe që nuk e ka dhënë këtë informacion tek stafi mjekësor.
